Do dal tratat statal de S. Germain sotescrit dl 1919 se tratâra da mosoré fora y amarscé le confin nü danter la Talia y l'Austria da trames les perts dl Prener. Por chësc fin gnôl metü sö na comisciun de trata dl confin internazionala te chëra che al ne gnô nia ma rapresenté l'Austria y la Talia, mo ince la Francia, la Gran Bretagna y le Iapan cun un ofizier porom. Sön la basa de documënc, che n'é cina sëgn ciamó mai gnüs publicá, fora dl'arpejun inteletuala dl deleghé britanich, le tenënt colonel Tankred Tunstall Behrens (1878–1938), nes dá le referat na suraodüda dl laur de chësta comisciun che n’é prësc mai gnüda tuta en conscidraziun dal stüde dla storia contemporana dl Südtirol.
Le confin nü é ince gnü mosoré fora dlungia le Tisenjoch cun la conseguënza che Ötzi é aldedaincö tl Museum archeologich da Balsan.

Referënt: Gerhart Wiesend, insegnant en ponsiun, München
Introduziun: Dr. Gustav Pfeifer, surastant dla seziun da Balsan dl Tiroler Geschichtsverein

Na manifestaziun dla Biblioteca provinziala Dr. Friedrich Teßmann en colaboraziun cun le Tiroler Geschichtsverein / Seziun da Balsan.