I 8 de setëmber dl 1943 é na data importanta por la Talia: do la sotescriziun dla palsa dles ermes cun i aleá vëgnel a se le dé l’ocupaziun nazista tl nord. Da dailó inant é le Paîsc despartí. Chësc volum se dá jö cun les formes desvalies de iustizia che é gnüdes a se le dé tl medemo tëmp tla Talia danter le 1943 y le 1945: la iustizia di partisans, la iustizia dles forzes de polizia y dles SS todësces cuntra i soldas talians, la iustizia militara dla Republica soziala taliana cuntra i deserturs, la iustizia aleada cuntra i zivilisć y inimltima i tribunai speziai metüs sö dai todësch a Trieste y Balsan.

En ocajiun dla presentaziun dl volum presentëia Tullio Omezzoli chësc argomënt comples, dedô se dá jö Kerstin von Lingen cun le Tribunal spezial de Balsan ti ciaran plü avisa al contest olache al é nasciü, ai ciamps d’intervënt, ai profii dles porsones che á lauré dailó y ala durëza dles pënes.

Reladus:
Tullio Omezzoli, curadú dl volum, storich pro l'„Istituto storico della Resistenza e della società contemporanea in Valle d'Aosta“
Kerstin von Lingen, curadëssa dl volum, storica pro l'Exzellenzcluster “Asia and Europe in a Global Context”, Université de Heidelberg

Na scomenciadia dla Biblioteca provinziala Dr. Friedrich Teßmann en colaboraziun cun „Geschichte und Region/Storia e regione“.