Che che mina che la bona cherianza sides n relit di tëmps passá, mostra sovënz le dëit sön la jonëza.
Da öna na pert él na ciantia de lamënt conesciüda de decadënza dles bones manires y dl lingaz pro la jonëza, dal’atra pert él le punt d’odüda dla linguistica: ara descrí mudaziuns linguistiches,ara ne valutëia nia belatira vigni trasformaziun sciöche decadënza, ara reconësc tl comportamënt linguistich dla jënt jona tröpa creativité y n gran umor y vëiga la jonëza sciöche potenzial inovatif dl lingaz.
Sëgn él n stüde che ti vá do ala chestiun sce ti ultimi tëmps s’ál veramënter mudé la cherianza linguistica. Ti lascia pa manires d’espresciun formales lerch a chëres plü informales? Ne ti dá pa la jonëza plü degöna importanza ala bona cherianza? Y co valutëia pa pordërt la jonëza la bona cherianza convenzionala dles porsones adultes?
La linguista Eva Neuland presentará i pröms resultac de n stüde sön la cherianza linguistica dla jonëza y dedô inviarára le publich a tó pert ala discusciun sön la chestiun co che i desson s’astilé canche les manires de comportamënt linguistich se müda.

Referënta:
Prof. Dr. Eva Neuland, Bergische Universität Wuppertal

Na manifestaziun dla Biblioteca provinziala Dr. Friedrich Teßmann deboriada cun la Gesellschaft für deutsche Sprache/Sënta da Balsan.