La traduziun por todësch dl liber „Italy‘s Austrian Heritage, 1919 – 46“, publiché da Dennison Rusinow dl 1969 pro la ciasa edituria „Oxford University Press“ é sëgn danman.

Rusinow stlarësc le tëmp dër confus dla storia taliana dal 1919 – 1946. Les provinzies rovades pormez do le 1918 Venezia Giulia y Venezia Tridentina ess pordert messü renforzé la Talia, mo se desmostra ester na fontana de deblëza che desdrüj te so paisc la democrazia parlamentara y danajëia i interesc de politica estera dla Talia. Degun govern talian do la vera ne ti ê ales desfidades dles provinzies nöies. Le liber baia de chësc falimënt y de sües conseguënzes. Al spliga sciöche chëstes provinzies á influenzé y ispiré le fascism talian. Al é ince n stüde sön les conseguënzes de pasciuns nazionalistiches scialdades sö tl‘Europa dla pröma pert dl 20jim secul, che é ince dër atuales tl’Europa post-comunista da incö do la fin dla Iugoslavia y dl’Uniun Sovietica.

Autur:
Dennison Ivan Rusinow (1930-2004) á fat le dotorat de storia contemporana dl 1963 tl’Université de Oxford (GB). Dal 1959 al 1988 él sté colaboradú tl Institut of World Affairs y tla sënta destacada internazionala dles Universités americanes. Te chësc tëmp ál lauré y vit tl Südtirol, sciöche ince a Belgrad, Zagreb y Viena. Do avëi lauré te de plü universités ti USA y tla Talia á Rusinow insigné dal 1988 cina süa emeritaziun tl zënter universitar por les relaziuns internazionales dl‘Université de Pittsburgh (Pennsylvania, USA).

Introduziun:
Eva Pfanzelter, professuria assistënta tl Istitut de storia contemporana dl’Université da Desproch.

Tema: "Dennison Rusinows 'Italien und sein österreichisches Erbe 1919-1946' - gestern und heute"
Bernd Schäfer, Professorial Lecturer, German Department George Washington University, Washington D.C. (tradutur)


Na manifestaziun dla Biblioteca provinziala Dr. Friedrich Teßmann en colaboraziun cun la ciasa edituria Athesia.