La ciasa sön n rogn, le cialdun dl isté, jö albas tla ciaola dla cité, cun crëps incëria – Meta se recorda di posć de süa infanzia y de punc d’inverjiun importanc sön le tru de süa vita. Tëmes scöres, i pröms incherscimuns, dessenades y ferides, mo ince le scomenciamënt de na vita nöia, olache les esperiënzes da dandaia döra dî. Mo al é ince l’atra, Meta, na jona che á messü s’un jí da so paîsc y da so continënt y s’un sciampa cuntra nord. Do da d’ëra na violënza crödia y na gran meseria y dan da ëra n dagní nia sigü.
Anna Rottensteiner coliëia te so roman la storia de döes ëres y nes condüj cina feter tl presënt. Te imajes stersces, penetrantes y tl intreciamënt de vites desvalies recordera che la domanda dl podëi sté o dl messëi s’un jí, é dagnora stada na domanda esistenziala.

Introduziun y discusciun cun l‘auturia:
Sepp Mall, nasciü tla Val Venosta, vir y laora a Maran sciöche autur y maester.

Auturia:
Anna Rottensteiner, nasciüda a Balsan, stüde de germanistica y slavistica a Desproch, dal 2003 inant direturia dla “Literaturhaus am Inn”.