Che al é na relaziun strënta danter religiun y lingaz é dagnora sté n tema tla teologia. La linguistica, almanco chëra todëscia, mët pormó man bel plan da se dé jö cun problems linguistics dla religiun. Te so referat vá ite le linguist Rudolf Hoberg cun ejëmpli sön i plü importanc de chisc problems: Ci ó pa dí che le pinsier y le vire religiusc é liá a singui lingac? Cares é pa les conseguënzes interpretatives che resultëia da chësc, por ejëmpl pro traduziuns bibliches, stories, paraboles, profesciuns de fede, dogmesc, oraziuns o cianties? Él na religiun zënza lingaz, na religiun dl scuté? Co influenzëia pa dificoltés che depënn dal lingaz y dala comunicaziun le dialogh danter les religiuns y les confesciuns?

Referent: Prof. Dr. Rudolf Hoberg, professur emerité de linguistica germanica tl'Université tecnica de Darmstadt y presidënt d'onur dla Gesellschaft für deutsche Sprache (GfdS)

Salüt: Eugen Runggaldier, diretur dl Ofize pastoral dla Diozeja Balsan-Porsenú

Na manifestaziun dla Biblioteca provinziala Dr. Friedrich Teßmann deboriada cun la Gesellschaft für deutsche Sprache/filiala da Balsan y la Diozeja Balsan-Porsenú.