Le regist da Bornech Ivo Barnabò Micheli, che é mort dl 2005, á fat sü pröms gragn films sura Pier Paolo Pasolini, Heinrich Böll y N. C. Kaser.

Joachim Gatterer y Jessica Alexandra Micheli (möta dl regist) presentëia le liber che ai á dé fora sura Micheli.
Fá films radicai orô dí por Ivo Micheli ti jí do a cosses sburlades sön na pert. Te sües stories nen vára de porsones che combat por sües convinziuns o che vá sot te so incherscimun, ara nen vá de critics dla sozieté conesciüs, mo ince de militanc por la liberté tl Eritrea zënza inom, de pëiapësc tl delta dla Donau isolé y de jënt che vir te gheti de frabic nüs desperá tla periferia de Roma.
Documënc originai, essays y tröc retrac cunta te chësc liber la biografia dl regist,che á lauré sö i traumesc personai de süa jonëza tl Südtirol te films straordinars.

Ala fin vëgnel mostré le film fat dl 2012 „Ivo Barnabò Micheli. Una Reise“ de Astrid Kofler. Te intervistes cun parënc, compagns dla jonëza y colegs de laur da tröc agn da Köln y Roma vëgnel cunté la vita y l’opera de Micheli.


Presentaziun dl liber:
„Ivo Barnabò Micheli – Poesie der Gegensätze. Cinema radicale“, publiché da Joachim Gatterer y Jessica Alexandra Micheli.

Discusciun:
Joachim Gatterer y Klaus Gasperi (Teater comunal da Bornech) baia de Ivo Barnabò Micheli.

Film:
Astrid Kofler: Ivo Barnabò Micheli. Una Reise (2012)


Na manifestaziun dla Biblioteca provinziala Dr. Friedrich Teßmann en colaboraziun cun la ciasa edituria Folio y l’Ofize Film y media.