Les biblioteches é posć olach'an s'incunta. En gaujiun dl De dles biblioteches oress la Biblioteca Provinziala Dr. Friedrich Teßmann mëte tl zënter les porsones che á lascé süa patria y che se chir sëgn n daciasa nü tl Südtirol o l'á bele ciafé. Insciö vëgnel tut chësc de sciöche ocajiun por n'incuntada cun la leteratöra de paisc sciöche l'Egit, l'Irak, l Pakistan o la Nigeria, mo dantadöt por incunté porsones che é gnüdes da chisc posć chiló da nos.

D'otober s'á zitadines "nöies" y zitadins "nüs" metü adöm deboriada cun porsones dl post te partenariac de letöra. Ares/Ai presentëia libri de sü paisc d'origina - y cunta lapró ince n pü' de valch sura se instësc.

Le De dles Biblioteches é ince le scomenciamënt de n proiet bibliotecar de döta la provinzia. Artistes y artisć dl Südtirol á realisé chertes sön le tema di preiudizi, che é da ciafé sciöche sëgnaliber te dötes les biblioteches. An pó cöie adöm chisc sëgnaliber desvalis deache vigni mëis vëgnel fora na cherta nöia. Lapró él n calënder da parëi: an pó taché les chertes lassura y injunté n valgügn pinsiers personai.
Chësta aziun é n invit da se dé jö personalmënter por n ann intier cun chësta tematica.

dl 09.00: Mostra de libri
10.00: Referat cört dla Dr. Vera Nicolussi-Leck "Einblick in die Südtiroler Integrationsarbeit". Dedô presentaziuns de libri y discusciun cun i partner de letöra.
11.30: Displaced Positions. Artistes y artisć tematisëia preiudizi sön la migraziun.
Dales 12.00 inant: Pice buffet vegan

Na manifestaziun dla Biblioteca Provinziala Dr. Friedrich Teßmann en colaboraziun cun la Caritas dla Diözeja Balsan-Porsenú y le sorvisc de coordinamënt por l’integraziun dl’aministraziun provinziala.