Semea che nia ne vënie schivà tant che l’assënza de senificat. Te n mond dla ogetivazion totala, dla dedizion cumpleta ala cumplessità y struturazion ne iel deguna lerch per forzes che nfruscea l ne “senifiché nia”. N ti va ancontra zënza cumprenscion y ne ntënd nia che l vester vierces ti cunfronc dl nia de nosc tëmp ie mé n sintom per l’aroganza y l vester da uemes dla persona.
Hugo Vallazza ova n stome dla manies de protagonism. Te si opera pitorica àl nrescì  radicalmënter chësc mond che semea curì, ma che ie te na tradizion longia dla negazion de segurteies y cunvinzions. L pudëssa vester n mond dl lascé demez che porta tl juech dimenscions sciche la mancianza de ziracules, reduzion, renunzia o  staniazion per reagì al mond dl’artistizità, dla materialisazion, dla perfezion, dla virtuosità, dl’aparënza y dla marcanzia.
De chësc viers uel chësta sëira crië ponc d’ancunteda tres l’imaja, l test y la mujiga cun na forma spirituela che – zënza cumpromisc – porta a esprescion dumandes sun l’esistënza umana. 

Ntroduzion ala vita y al’opera:
Markus Klammer, critich d’ert y curadëur de mostres, Bulsan

Letura de tesć:
Luis Benedikter, istrutëur de rujeneda y dl rujené, Bulsan

Cumposizions per Hugo Vallazza:
Eduard Demetz, musizist, Bulsan

L sona:
Eduard Demetz (electronics), Roberta Gottardi (tlarinet bas) y Roberto Gander (tlarinet bas, tlarinet)

Can: Juebia, 11.12.2014, 20.00
Ulà: Biblioteca Provinziela Dr. Friedrich Teßmann, A.-Diaz-Str. 8, Bulsan