Oswald ê tan acort sciöche Odysseus, tan afamè damur sciöche le Don Juan y tan penitënt sciöche n prueder. Deboriada cun süa vëia daventöra y so dejidêr da ti lascè alsavëi al monn ći che ti stô a cör mostrâl na gran segurëza de sè instës acompagnada da na perzeziun narzisistica azentuada de sè. Oswald agî y reagî te na manira furiosa, colerica y impulsiva, mo osservâ dagnora sè instës cun plajëi y autocritica.
Oswald ê na porsona trata indalater: cun le müs ia por tera y le cör pro les ëres êl n esistenzialist, sciöche al sta scrit tl liber.
Tl liber vëgnel cuntè la vita plëna daventöres dl ultimo menestrel tl spirit dl lingaz metaforich original. Implü él inće da ciafè ćianties damur traslatades danü y trascrites musicalmënter.

Presentaziun dl liber:
„Oswald von Wolkenstein: Liebe, List und Leidenschaft“ de Hubert Stuppner; parores dintroduziun de Hans Drumbl, al lî Luis Benedikter.

Can: en jöbia, ai 4 de dezëmber dl 2014, dales 20.00
Olâ: Biblioteca Provinziala Dr. Friedrich Teßmann, str. A.-Diaz 8, Balsan