Ći romagn pa dles contrades de na vita? Di chedri dl’infanzia? Dles impresciuns de na vita originala cun döta süa belëza y süa manćianza de misericordia? Sepp Mall tol ca n cheder indô l’ater - n jì plan, olache les poesies se mët sö öna dlungia l‘atra te n panorama poetich. Daldöt nia gram, avisa y tres de morvëia ti val do ales parores, a so tônn, süa atmosfera, süa saù, sües alujiuns y sü avisc.
Tl moscedoz de poesies plü lunges che cunta y i versc cörć ti va Sepp Mall do al movimënt dl’ona danter storia y poesia. Bel plan làscel fora le prinzip dl cumpedè sö, al müda zënza fadia le tônn y mostra la varieté di ćiamps linguistics danter chi che al se möi.

Sepp Mall é nasciü dl 1955 a Graun tla Val Venosta. Al vir y laôra a Maran sciöche autur y maester. Al scrî dantadöt poesies y romans, al fej inće traduziuns y à inće fat para pro tòć radiofonics y de teater.

Letöra dl autur: Sepp Mall lî fora de süa racoiüda de poesies nöia „Schläft ein Lied“
Introduziun y conversaziun: Katrin Klotz (Südtiroler Künstlerbund)

Can: en dedolönesc, ai 23 de setëmber dl 2014, dales 20.00
Olâ: Biblioteca Provinziala Dr. Friedrich Teßmann, strada A.-Diaz 8, Balsan