Le dot. Oswald Überegger, diretur dl Zënter de storia regionala dl’Université Lëdia de Balsan, tëgn ai 27.02.2014 n referat sön le tema „Krieg als gesellschaftliche Grenz- und Gewalterfahrung. Der Erste Weltkrieg und Tirol“ (La vera sciöche esperiënza de confin y de violënza soziala. La pröma vera y le Tirol“). Le referat de suravijiun ćiara da stlarì le significat dla pröma vera mondiala por le Tirol da n pü’ n’atra prospetiva. Da öna na pert damànel ći rode che la vera à albü sciöche esperiënza de violënza y esperiënza de confin soziala por la sozieté dl Tirol, y dal’atra pert pròel da alzè fora le significat che ti é gnü dè y che ti vëgn tres ćiamò dè a chësta vera sciöche esperiënza de n’era moderna globala y sciöche metüda en scena dla memoria regionala.

Por i 100 agn dal scomenciamënt dla pröma vera mondiala mët a jì dl 2014 la Biblioteca Provinziala Dr. Friedrich Teßmann adöm cun l’Academia Austriaca dles Sciënzes y en colaboraziun cun l’Istitut Storich Italo-Germanich a Trënt, sciöche inće cun le zënter nü de storia regionala tla Università Lëdia de Balsan ai 28.02.2014 n domisdé de discusciun dal titul „Der Erste Weltkrieg - Ereignis und Erinnerung. Forschungsfragen und Perspektiven“ (La pröma vera mondiala – Avenimënt y memoria. Domandes d’inrescida y prospetives).
De gragn esperć porta dant la situaziun da śëgn dla inrescida y tol posiziun sön chestiuns ćiamò davertes. Le focus é sön la fasa finala dla monarchia di Habsburg, de chëra al vëgn sovënz sotvalutè l’importanza dl rode por la „catastrofa dl 20ejim secul“ tla storiografia internazionala sön la pröma vera mondiala. Laprò vëgnel ejaminé le raiun dles Alpes, dantadöt inće le raiun dl Tirol y Trentin y al vëgn stlarì plü avisa la vera „tla periferia“. Inće la tematica dl gender, che é gnüda metüda dî sön na pert tl’inrescida sön la vera mondiala, vëgn tratada tl cheder de chësc workshop.
La discusciun vëgn condüta dala professuria d’université dot.a Brigitte Mazohl y dal professur d’université dot. Arnold Suppan.

Can:
Referat: en jöbia, ai 27 de forà dl 2014, dales 8.00 da sëra
Workshop: en vëndres, ai 28 de forà dl 2014, 14.00 – 19.00

Olâ: Biblioteca Provinziala Dr. Friedrich Teßmann, str. A.-Diaz 8, Balsan