Te nosc tëmp digitel ons a despusizion na gran cumpëida de tesć tla forma eletronica. Oradechël se à ti ultimi ani svilupà dassënn la pruzedures automatiches per l’elaborazion linguistica y l’estrazion de nfurmazions. L  proiet OPATCH se lieia a chël pont, ulache la persona uel nuzé chisc dac digitei per sé nstëssa. OPATCH svilupea na plataforma de nrescida te abinedes de tesć digiteles. Chësta plataforma pieterà sibe n portal per zaites storiches che nce l’adurvanza de n corpus cun interface visuel.

L vën analisà coche la tecnologies plu nueves dla linguistica digitela, dla statistica y dla visualisazion dla nfurmazions possa unì purtedes adum y svilupedes per crië n ambient de crissa dassënn svilupà per grupes de utënc defrënc. Mira y resultat dl proiet dëssel vester de ti dé la puscibltà a n gran publich de sculeies y sculees, a nseniantes y nsenianc y tuadëures de pudëi fé nrescides te documënc storics y d’aldidancuei.

Metù a jì vën l proiet OPATCH dal Istitut per la comunicazion spezialistica y l plurilinguism dl’ Academia Europeica de Bulsan n culaborazion cun la Biblioteca provinziela Dr. Friedrich Teßmann y l „Institut für Corpuslinguistik und Texttechnologie“ dla „Österreichischen Akademie der Wissenschaften“.

L proiet vën finanzià dala Provinzia autonoma de Bulsan - Südtirol, Repartizion Promozion dl Stude, Università y Nrescida, Lege provinziela di 13 de dezëmber 2006, n. 14 Nrescida y Inuvazion.