La Biblioteca Provinziala Dr. Friedrich Teßmann arjigna ite inće chëst ann indô n audio-bar tl cheder dla mostra „Bücherwelten im Waltherhaus“.
Ilò ciafa pici y gragn plü co 250 libri auditifs premià da podëi ascutè sö. I libri auditifs premià por porsones adultes fej pert dl inverntar dla Biblioteca Provinziala Dr. Friedrich Teßmann y completëia süa oferta bele cotan rica: 2.200 portadus dl sonn é a desposiziun por gnì imprestà fora tla strada A. Diaz n. 8 y tla Biblio24, la biblioteca online dl Südtirol, él ćiamò 1800 libri auditifs che aspeta da gnì ascutà sö da orëdles corioses!

Por le pröm iade ti vëgnel en chësc ann presentè a che che va a ti ćiarè ai monns di libri tl Waltherhaus na cerna de libri che é gnüs premià dl 2013 da comëmbri de na iuria esperć y independënć cun pesć desvalis: operes importantes dl ert dl baié, dl’intermediaziun interessanta de savëi y valurs o scemplamënter operes plajores por le letur. An po s’imprestè fora chisc libri tla biblioteca provinziala do la mostra di libri. 

Balsan, Kulturhaus Walther von der Vogelweide
Daurida dla mostra: ai 28 de jenà dl 2014 dales 18.00;
Orars de daurida: dai 29 de jenà dl 2014 ai 20 de forà dl 2014, dal lönesc ala sabeda dales 9.00 ales 12.00 y dales 14.00 ales 18.00.