Talia, Austria y Paîsc Todësc é al dedaincö trëi stać dl’UE che pê dër lià un cun l’ater: comerz, economia, trasport, euro y turism. Te na comparaziun trilaterala di stać vëgnel mostrè sö coliamënć traversai y colians nüs, che n’é nia ćiamò gnüs azicà tl’inrescida todëscia dla Talia, che é stada ćina śëgn dër bilaterala. Al vëgn portè dant aspeć desvalis pian ia dal’inrescida sön i aturs politcs, les relaziuns y i recorć desvalis dla storia dl secul passè ćina śëgn, le superamënt dl passè sciöche inće les reaziuns desvalies devers dl terorism ćina les conseguënzes dles mudaziuns dles coordinades dla politica mondiala dl 1989 y dla politica dla segurëza di stać tl contest dla UE y tl sëgn dles presidënzes dl consëi dl’UE.

Presentaziun dl liber: „Italien, Österreich und die Bundesrepublik Deutschland in Europa. Ein Dreiecksverhältnis in seinen wechselseitigen Beziehungen und Wahrnehmungen von 1945/49 bis zur Gegenwart“, dè fora da Michael Gehler y Maddalena Guiotto.

Referënt: Univ.-Prof. Michael Gehler, diretur dl Istitut de storia dla Fondaziun Université de Hildesheim y dl Istitut de inrescida dl’eté moderna y dla storia contemporanea dl’Academia dles Sciënzes Austrica.

Can: en mertesc, ai 17 de dezëmber dl 2013, dales 20.00
Olâ: Biblioteca Dr. Friedrich Teßmann, str. A.-Diaz 8, Balsan