Nience l ann 2013 resta zenza paroles. Al vegn endò chirì la parola y la parolata dl ann 2012. Propostes te duc trei i lingac pò vegnì fates fina ai 31 de dezember.

La parola dl ann 2012 todescia de nosta provinzia à abù na conotazion negativa: „Skandal“. Dl dut positives endere cheles talianes y ladines: „Parmigiano solidale“ y „studafuech“, ence sce la rejon de sia lita fova ence lieda a avenimenc negatifs. L “titul” de “parolates 2012” ti à la juria endere dé a „Spread“, „esodati“ und „Taliban“.

Sen scomencia l’archirida endò : cie paroles – magari ciamò dldut nueves – à pa caraterisé l 2013? Y ciunes é pa puech garatedes, prova da abelì o da ascone la realté, o ne porta nia respet per les persones y é perchel candidates per la “parolata” dl ann?

Les propostes te duc trei i lingac pò vegnì fates sun la plata internet www.wopapa.it. An pò ence les mané ite per posta al Südtiroler Kulturinstitut, Schlernstraße 1, 39100 Bulsan, o les dé ju tla casseta che la biblioteca provinziala Dr. Friedrich Teßmann met a desposizion. Y samben végnel ence rejoné de paroles y de parolates sun facebook.com/WopapaBZ.

L’azion dla “Parola dl ann” vegn metuda a jì en colaborazion dal Post linguistich dl Istitut cultural dl Südtirol, dal Istitut per Comunicazion Spezialistica y Plurilinguism dl’ EURAC, dala Facolté de Scienzes dla Formazion dla Université Ledia de Bulsan y dala Biblioteca provinziala Dr. Friedrich Teßmann.

Anter dutes les propostes rovedes ite saràl na juria che chier fora les „paroles“ y „parolates dl ann“ 2013 per vigni lingaz. I resultac vegnirà lascés al savei a mez jené 2014.