Wolfram Henning tëgn n referat dal titul „Bibliotheksbau heute – Umbruch und Tradition“. Tl tëmp dles tecnologies d’informaziun modernes y di media nüs ne n’é i frabicać dles biblioteches nia jüs dojö. Ai à ciafè n carater dopl: „Deperpo che la pert interna é conzepida sciöche na contrada de dać che va tres inant, devënta le frabicat instës n simbol iconich pormez ala cité“ (Anna Klingmann). Ejëmpli de imajes a livel internazional mostra vijiuns y conzeć d’atualité de biblioteches che se respidlëia cun plü o manco tlerëza tl’architetöra y tl aredamënt. Y sambëgn esìstel catalogs de criters por che na costruziun de na biblioteca garetes: 10 punć y na faziun “wow”!
Christoph Mayr Fingerle baia de „Eine Lese- und Lernlandschaft für Bozen“. Le zënter dles biblioteches da Balsan é ponsè sciöche n post de comunicaziun. Chilò s’incunta porsones y media de vigni sort. Chilò van sot tl monn dla letöra y dl aprendimënt. Le lingaz dl’architetöra inviëia da se lascè jì y da jì ala slondra: da curts internes da na gran lerch a cabines da imparè individuales, da terasses de letöra davertes a atmosferes da imparè conzentrades. Laprò trasmët i trus l’imaja dla contrada de letöra y d’aprendimënt. Le vijitadù ti va pormez al frabicat tres passaji, sön les alzades él trus por s’orientè sciöche te n parch. Le referat ilustrëia chësc conzet cun tröp material iconografich.

Referënć:
Wolfram Henning, Prof. em. dla Hochschule der Medien, Stuttgart: „Bibliotheksbau heute – Umbruch und Tradition“
Christoph Mayr Fingerle, architët, Balsan: „Eine Lese- und Lernlandschaft für Bozen“

Moderaziun dla discusciun: Johannes Andresen, diretur dla Biblioteca provinziala

Can: en jöbia, ai 30 de mà dl 2013 dales 20.00
Olâ: Biblioteca Provinziala Dr. Friedrich Teßmann, str. A.-Diaz 8, Balsan