Zënza la forza creativa dla copia, insciö Dirk von Gehlen, ne vëgnel a s’al dè degöna cultura. Dirk von Gehlen baia de „Mashup – ein Lob auf die Kopie“.
Le copié tl raiun digital à descedè tröpes discusciuns sön i dërć d’autur. Inće sce le dupliché contignüs é na chestiun contestada, s’anüza la jënt sambëgn impò de chësta poscibilité nöia. Nia ma les fujiuns modernes de operes desvalies te de nöies (Mashups) le desmostra. Süa publicaziun dl 2011 Mashup dada fora da Suhrkamp porta ordinn tla confujiun de conzeć y mostra tan importanta che la copia é por nosta cultura – online sciöche offline.

Gerhard Ruiss tëgn n referat dal titul „Das Recht auf das eigene Werk“.
Rapresentanć dla cultura dla rëi vëiga sovënz la defenüda di dërć d’autur sciöche tentatif por tignì sö scomenciadies nöies te so svilup. La metüda a desposiziun debann de contignüs tla rëi dess gnì a s’al dè tres le retlam o spënores. Tla rëi vëgnel publiché cun les medemes condiziuns dl dërt d’autur, sciöche defora dla rëi, dantadöt por ći che reverda che che à scrit n’opera y che che po tó dezijiuns lassura.

Referać:
Dirk von Gehlen: diretur dla repartiziun Social Media/Innovations dla Süddeutschen Zeitung, München: „Mashup – ein Lob auf die Kopie“.
Gerhard Ruiss: Autur y diretur dl IG Autorinnen Autoren, Viena: „Das Recht auf das eigene Werk“.

Can: en jöbia, ai 11 d’aurì dl 2013, dales 20.00
Olâ: Biblioteca provinziala Dr. Friedrich Teßmann, str. A.-Diaz 8, Balsan