La Biblioteca provinziala Dr. Friedrich Teßmann inviëia deboriada cun le Südtiroler Künstlerbund y la ćiasa edituria Haymon a na letöra d’autur. Joseph Zoderer lî ai 19 de merz dl 2013 fora de so liber de poesies „Hundstrauer“ publiché da Haymon.

N ćian é val’ de plü co ma n tier de ćiasa: al é n compagn y n acompagnadù fedel, n partner de descusciun ström y n’anima somiënta. Te süa odlada se respidlëia le monn de nüsc sentimënć. Tl medemo tëmp se daür la perspetiva de n’atra vita dalunc dala büsia da vigni dé.
Te so liber de poesies nü realisëia Joseph Zoderer n monumënt poetich a so compagn ćian mort. A na manira sensibla se recôrdel de momënć che ài à partì y s’inchina por l’ultim iade dan da sö compagn de iade. Zoderer ôj l’odüda inće sön ći che sta do l’amizizia danter porsones y tiers: la ligrëza por la vita y la natöra, la fortüna dla comunanza y l’amur zënza preiudizi.
Le scritur Joseph Zoderer, che à ciafè de plü pesć, é nasciü dl 1935 a Maran y vir a Terenten y Bornech.

Letöra d’autur: Joseph Zoderer lî fora de so liber de poesies „Hundstrauer“
Introduziun: Ferruccio Delle Cave, espert de leteratöra y vizepresidënt dl „Südtiroler Künstlerbund“

Can: en mertesc, ai 19 de merz dl 2013, dales 20.00
Olâ: Biblioteca provinziala Dr. Friedrich Teßmann, str. A.-Diaz 8, Balsan.