Dé dl e-book ai 30 d’otober dl 2012 tl’Academia Europeica de Balsan
30.10.2012,
E-book – É le dagnì dl liber digital? L’Ofize Media audiovisuai dla Provinzia y la Biblioteca Provinziala Dr. Friedrich Teßmann pîta n curs de formaziun de n dé sön chësc argomënt. Le curs vëgn metü a jì por bibliotecares y bibliotecars, personal insegnant, colaboradësses y colaboradus dles ćiases edituries, porsones che vënn libri y dötes les porsones interessades.
Tl ćiamp dl liber y dl’ediziun nen vara indlunch de e-books: aparać da lì nüs cun funziuns tres mius sbörla sön le marćé, i numeri de download crësc debota, y da canche le iPad é rové sön le marćé se dà jö les ćiases edituries tres deplü cun les apps. Sön chësta basa presentëia l’Ofize Media audiovisuai y la Biblioteca provinziala Dr. Friedrich Teßmann en colaboraziun cun la „Akademie des Deutschen Buchhandels“ tratan na manifestaziun de n dè le „fenomenn e-book“ da de plü punć d’odüda, mostra trends atuai y ti ćiara al dagnì dl e-book. Le program vëgn stlüt jö cun trëi ejëmpli dl Südtirol.
Brosciüra sön le curs de formaziun: