La biblioteca provinziala Dr. Friedrich Teßmann inviëia adöm cun le Südtiroler Künstlerbund y la ćiasa edituria Haymon ala letöra dl autur. Joseph Zoderer lî ai 13 de setëmber dl 2012 fora de so liber publiché da Haymon: „Mein Bruder schiebt sein Ende auf“.

Joseph Zoderer, che à ciafè de plü pesć sciöche autur, é nasciü dl 1935 a Maran y vir a Terenten (Puster) y Bornech. Al é n naratur da n gran talënt, che é bun da descedè sciöche püć la magia dl scëmpl.

Te so liber nü fêjel portraits de ëi sensibli, che fej le bilanz de süa vita, y cunta dla odlada madüda dl’eté, de conescënza y destanza, y dla forza dl’amizizia.
Ai é stà na vita intiera mius compagns. Mo canche Konrad mör, s’intënn so compagn bel plan tan forest y stlüt che Konrad ê romagnü te düć chi agn, tan de socrëć che al à mantignì porsura süa vita. La secunda storia de chësta publicaziun cunta de dui fredesc, che se ciafa indô do na vita a destanza canche ai é plü vedli, che chir tl passè do i medemi recorć y ti va do a ći che i tëgn danćiarà.

Letöra dl’autur: Joseph Zoderer lî fora de so liber „Mein Bruder schiebt sein Ende auf“
Introduziun: Ferruccio Delle Cave, espert de leteratöra y vizepresidënt dl Südtiroler Künstlerbundes

Can: en jöbia, ai 13 de setëmber dl 2012 dales 20.00
Olâ: Biblioteca provinziala Dr. Friedrich Teßmann, str. A.-Diaz. 8, Balsan