La Biblioteca provinziala Dr. Friedrich Teßmann inviëia ai 12 d’aurì dl 2012 a n referat dl storich Laurence Cole. Le titul dl referat é: „Nation und Identität in Tirol vor 1914“ (Naziun y identité tl Tirol dan le 1914). Do le referat gnaràl fat na mësa torona cun le referënt y storics dl Südtirol. Chësta manifestaziun stlüj jö la linia de referać „Südtirol in Europa. Eine Spurensuche“.

Le storich Laurence Cole ejaminëia te so referat le svilup dl’identité regionala y nazionala tl Tirol dan le 1914, analisan dantadöt la popolaziun de lingaz todësch. I punć zentrai reverda la creaziun dl mit de Andreas Hofer, la stromentalisaziun politica dla festa dl Sacher Cör de Gejù y la mobilisaziun di paurs. Ala fin vëgnel fat n confrunt por ći che reverda le prozès dla formaziun dl’identité danter „Tirolesc todësc“ y „Tirolesc-talians“ („Trentins“).

Referat y mësa torona:
Dr. Laurence Cole (University of East Anglia, Norwich / England): “Nation und Identität in Tirol vor 1914”
Mësa torona: Siglinde Clementi, Hans Karl Peterlini, Carlo Romeo y le referënt.
Moderaziun: Hannes Obermair.

Olâ: Biblioteca provinziala Dr. Friedrich Teßmann, str. A.-Diaz. 8, Balsan

Can: en jöbia, ai 12 d’aurì dl 2012, dales 20.00