La Biblioteca provinziala Dr. Friedrich Teßmann y le Haymon Verlag inviëia, tl cheder di „Dis de educaziun politica 2012“, a n’incuntada cun Ulrich Ladurner. Ulrich Ladurner presentëia so liber nü „Südtiroler Zeitreisen“.

Olâ é pa le Südtirol? Por ći che reverda la geografia él saurì da respogne, mo olâ é pa i confins reai dla provinzia? N’un él pordërt? Bonamënter daìte dala provinzia o danter grups linguistics?
Ulrich Ladurner se dà jö cun chëstes domandes te so iade tl tëmp complès y plajor dl Südtirol. Les ot episodes de so liber nü é interessantes, inće ćiodì che Ladurner sa da fà n retrat provocant a chël che an n’é nia ausà dla vita tl Südtirol. Al se confrontëia cun la storia, le presënt y le dagnì y ti mostra insciö orizonć nüs inće a chi che arata de savëi döt dl Südtirol.

Ulrich Ladurner, nasciü dl 1962 a Maran, vir incö a Hamburg. Al à studié storia y politica a Desproch. Naôta él stè jornalist pro les revistes Profil y Facts (Zürich). Dal 1999 incà laôrel sciöche redadù da foradecà dla ZEIT.

Presentaziun dl liber:
Ulrich Ladurner: „Südtiroler Zeitreisen“
Introduziun de Armin Gatterer, diretur dla Repartiziun provinziala Cultura todëscia.

Olâ: Biblioteca provinziala Dr. Friedrich Teßmann, str. A.-Diaz. 8, Balsan
Can: en jöbia, ai 23 d’aurì dl 2012 (Dé mondial dl liber), dales 20.00