Tl cheder dl proiet “A Gateway to European Newspapers Online“ metarà 17 partner europeics ti proscimi trëi agn a desposiziun passa 10 miliuns de folieć digitalisà tres le portal cultural europeich Europeana.

Le proiet sostignì dala Comisciun europeica mira a mëte adöm racoiüdes de folieć digitalisades y miorè la tecnologia de TEL – The European Library y Europeana. Na gran importanza ti va ales sfidades spezifiches liades al laûr cun folieć digitalisà:
• adoranza de stromënć por le reconescimënt dl test y la partiziun de articui, sciöche OCR (Optical Character Recognition) y OLR (Optical Layout Recognition), y por miorè les poscibilitês de archirida y de rapresentaziun por les utëntes y i utënć de Europeana, sciöche Named Entity Recognition (NER) y Page Class Recognition,
• evaluaziun de tecnologies automatiches por miorè les copies digitales,
• trasformaziun de metadać locai tl format EDM (Europeana Data Model),
• standardisaziun de metadać en colaboraziun cun i partners publics y privać.

Les biblioteches che tol pert al proiet metarà a desposiziun sü folieć digitalisà a na moda che ai pois gnì adorà debann sön le portal Europeana. Na gran importanza por ći che reverda le contignü ti gnarà dada ai folieć, che é gnüs publicà tratan la pröma vera mondiala, portan insciö inće pro a n ampliamënt significatif dl proiet atual „Europeana Collections 1914-1918“.
Inće la Biblioteca provinziala „Dr. Friedrich Teßmann“ portarà ite te chësc proiet important na cerna da so patrimone de passa 1,5 miliuns de plates de folieć digitalisà.

La pröma conferënza dl proiet é stada al 1. y ai 2 de merz dl 2012 tla Biblioteca statala de Berlin.

Partner dl proiet:
Biblioteca statala de Berlin – Fondaziun Patrimone cultural prussian (coordinadù dl proiet)
Biblioteca roiala di Paîsc Basc
Biblioteca nazionala dl’Estonia
Biblioteca nazionala dl’Austria
Biblioteca nazionala dla Finlandia
Biblioteca nazionala dla Franzia
Biblioteca nazionala dla Polonia
Biblioteca nazionala dla Letonia
Biblioteca nazionala dla Turchia
Biblioteca nazionala dl Rëgn Unì
Biblioteca statala y universitara de Hamburg
Université de Salford
Biblioteca universitara de Belgrad
Université de Desproch
Biblioteca provinziala “Dr. Friedrich Teßmann”
CCS Content Conversion Specialists GmbH
Stichting LIBER

De plü informaziuns sön le proiet é da ciafè chilò:
http://www.european-newspapers.eu/

Contat (Biblioteca provinziala Teßmann):
Karin Pircher karin.pircher@tessmann.it