La Biblioteca provinziala Dr. Friedrich Teßmann inviëia adöm cun la „Gesellschaft für deutsche Sprache“/ sënta da Balsan y l’ofize linguistich dl „Südtiroler Kulturinstitut“ ai 12 de merz dl 2012 a n referat cun Armin Burkhardt. Le titul dl referat é: „Abseits, Foul und Rote Karte. Zu Geschichte und Charakteristika der deutschen Fußballsprache und deren Einfluss auf die Kommunikation in Alltag und Politik“ (Forajüch, fal y cherta cöcena. Storia y carateristiches dl lingaz dl jüch al palê todësch y süa influënza sön la comunicaziun da vigni dé y la politica).

Inće che che ne sa nia dl jüch al palê, ne sciafia nia da ti sciampè daldöt al lingaz che vëgn adorè te chësc sport, ajache al à influenzè le lessich y le svilup dl lingaz. Sce an alda dijon che zacai s’à fat n autogol, spo ne éson nia dagnora sön n ćiamp dal palê. Al vëgn bele dî adorè parores dl sport sciöche metafores por dì che zacai l’à davagnada o à pordü. Le jüch al palê é te chësc caje le sport che é al pröm post.
Le linguist Prof. Dr. Armin Burkhardt, presidënt dla “Gesellschaft für deutsche Sprache“ Ves mostra cares che é les carateristiches de chësc lingaz, sciöche al é gnü a s’al dè y sciöche al s’à mudé. Al gnarà inće baié en cört dl lingaz dl jüch al palê talian.
Arjignesse ca sciöche al alda por i campionać europeics dl palê ajache ai é dan porta. Ći vuvuzelaz, o damì ći parores nöies che chisc campionać portarà, odaràn impormò dailò.

Referënt: Prof. Dr. Dr. h. c. Armin Burkhardt, presidënt dla „Gesellschaft für deutsche Sprache“, professor tl Istitut de Germanistica dla Université Otto-von-Guericke de Magdeburg

Olâ: Biblioteca provinziala Dr. Friedrich Teßmann, str. A.-Diaz. 8, Balsan

Can: en lönesc, ai 12 de merz 2012, dales 20.00