La Biblioteca Provinziala Dr. Friedrich Teßmann à bele por le terzo iade arjigné ite n audio-bar tl cheder dla mostra „Bücherwelten im Waltherhaus“, che gnarà tignida en chësc ann dai 24 de jenà ai 11 de forà.

Tl audio-bar vëgnel metü fora plü co 200 libri auditifs premià tl 2011 por mituns y mitans, porsones jones y adultes. L’audio-bar é na sënta destacada dla Biblioteca provinziala pro la mostra „Bücherwelten im Waltherhaus“ che vëgn vigni ann inviada ia dal Südtiroler Kulturinstitut deboriada cun d’atres organisaziuns.
Pro düć i libri auditifs metüs fora arà les porsones apascionades la poscibilité da nen ciafè na picia ćërćia, indöt bëgn plü co 200 ores.
I libri auditifs por adulć che é gnüs premià fej pert dl patrimone dla Biblioteca provinziala Dr. Friedrich Teßmann. I libri auditifs por mituns é indere gnüs cumprà dal Ofize Biblioteches y letöra y metüs a desposiziun dl audio-bar.

Dorada dla mostra: dai 24 de jenà 2012 (daurida dales 18.00) ai 11 de forà 2012
Orars de daurida: dal lönesc ala sabeda dales 9.00 ales 12.00 y dales 14.00 ales 18.00.