Ai 20 de jenà 2012 va inant Peter Stachel y Peter Hilpold cun la ligna de referać tla biblioteca provinziala Dr. Friedrich Teßmann sot al moto prinzipal „Südtirol in Europa. Eine Spurensuche“ („Südtirol tl’Europa. Na chirida de fostüs”)

Südtirol tl’Europa. Chësta formula conesciüda, tol ite n cërtl ampl pian ia dal passè dl Südtirol tl stat multinazional dla monarchia di Habsburg, rovan ćina pro la situaziun d’al deadaincö dl Südtirol te n’Europa dles regiuns. I referać de chësta sëra trata le raport cun lingac y mendranzes.

Peter Stachel baia dl argomënt „Vielsprachigkeit in der Habsburgermonarchie“.

La monarchia di Habsburg ê n stat plurilingh y cun chësc inće n stat de cotan de raiuns sozio-culturai. Le relevamënt de desfarënzies linguistiches sciöche sëgn de identité primar de singoles porsones y grups ti stô te tru a na modernisaziun unificada dl’aministraziun, deache les aspiraziuns de normaziun gnô odüdes sciöche tentatifs de fà avarëi la dominanza nazionala. I problems de traduziun che vëgn dant tla pratica tl’aministraziun po gnì confrontà cun chi tla UE.

Peter Hilpold tëgn n referat sön „Die Mehrsprachigkeit in der Europäischen Union und die Förderung von Regional- und Minderheitensprachen“.

Sce al vëgn baié dla Uniun europeica spo pënson impröma a n proiet economich y politich che é tl laûr da se formè. Mo al é la dimenjiun linguistica che é dassënn coliada a d’ëra: tl’ Europa mëss 23 di 27 lingac aministratifs gnì tuć en conscidraziun te na manira ecuivalënta. Na dërta costruziun dla tor de Babele, dantadöt sce al vëgn implü ghiré n reconescimënt y na promoziun di lingac regionai o de mendranza.

Referać:
Mag. Dr. phil. Peter Stachel, Österreichische Akademie der Wissenschaften, Viena: „Vielsprachigkeit in der Habsburgermonarchie“.
Prof. Dr. Peter Hilpold, Université de Desproch: „Die Mehrsprachigkeit in der Europäischen Union und die Förderung von Regional- und Minderheitensprachen“.

Olâ: Biblioteca provinziala Dr. Friedrich Teßmann, str. A.-Diaz 8, Balsan

Can: en vëndres, ai 20 de jenà 2012, dales 20.00

Chësta ligna jarà inant ćina d’aurì 2012 cun d’atri referać.