La Biblioteca provinziela Dr. Friedrich Teßmann y l Alpenverein Südtirol nviëia ala prejentazion dl liber „Berg Heil! Alpenverein und Bergsteigen von 1918-1945“.

L salut alpin „Berg Heil!“ ie l titul de n liber nuef y l se referësc ala truepa mplicazions dl’arpizeda: L se trata dl raport danter n’atività ala semea apolitica y l liam strënt danter politica y sozietà.
Na grupa de lëur de storics, etnologs y pedagogs à studià avisa y elaburà scientificamënter l tëmp danter la fin dla Gran Viera y la fin dla Segonda Viera Mundiela.
Tl zënter iel la storia de arpizadëures, de apasciunei dl’arpizezeda y de cumëmbri dl Alpenverein. La montes y i crëps vën scuvierc coche travert de viac y l’arpizeda se svilupea te n’atività sportiva de massa.
Na pert dl liber trata nce la storia politica dl Alpenverein y si posizion particulera coche lia che jiva sëura i cunfins ora ti Paejes Tudësc, tl’Austria y tl Südtirol. Al Südtirol ti iel unit dedicà na sezion a pert. La tematiches tratedes te chësta sezion  ie la pruibizion dl Alpenverein tl scumenciamënt di ani 20, la piersa dla uties da mont l mené inant l lëur dla lia “a scundon“ y la storia dl sport dl’arpizeda tl cheder dla situazion politica zariëusa.
Oradechël prejentea l liber na lingia d’ativiteies dl Alpenverein che ne à nchin al didancuei nia perdù si mpurtanza: la scunanza dla natura, la spedizions, la nrescida scientifica y l’educazion.

Prejentazion dl liber: „Berg Heil! Alpenverein und Bergsteigen von 1918-1945“, dat ora dal Deutschen Alpenverein, Österreichischen Alpenverein y Alpenverein Südtirol.
Saluc de benunì: Angelika Gasser, diretëura dl Ufize per la Cultura, Georg Simeoni presidënt dl Alpenverein Südtirol y reprejentanc dla lies alpines di Paejes Tudësc y dl’Austria.
Prejentazion dl liber da pert de Hans Heiss (acumpaniamënt scientifich) y  Florian Trojer (dl Alpenverein Südtirol y coautor dl liber).

Can: 17 de nuvëmber 2011, dala 20.00
Ulà: Biblioteca provinziela Dr. Friedrich Teßmann, Streda A.-Diaz 8, Bulsan