La ligna de referać da en chësc ann dla Biblioteca provinziala Dr. Friedrich Teßmann se destënn fora da novëmber 2011 ćina d’aurì 2012. Le moto prinzipal é „Südtirol in Europa. Eine Spurensuche“(„Südtirol tl’Europa. Na chirida de fostüs”).

Südtirol tl’Europa, chësta formula conesciüda, tol ite n cërtl ampl pian ia dal passè dl Südtirol tl stat multinazional dla monarchia di Habsburger rovan ćina tl tëmp da śëgn te n’Europa dles regiuns. La ligna de referać da en chësc ann dla Biblioteca provinziala ô mostrè sö punć de rotöra y de continuité danter inlaôta y al dedaincö y va porchël ala chirida de fostüs: ći valurs se à pa cristalisé cun le passè dl tëmp, ći manires d’agì s’à pa svilupé che podess ester d’atualité por la strotöra de na formaziun politica suranazionala sciöche l’Europa?

Georg Mühlberger y Marion Piffer Damiani dauriarà ai 10 de novëmber 2011 le ziclus de referać . Te sü referać „Als Europa zu Fuß ging. Streiflicher entlang früher Spuren europäischer Mobilität in Südtirol“ (Mühlberger) y „Kunst in Südtirol. Lokale Motive, europäische Moderne und globale Zeitgenossenschaft“ (Piffer Damiani) gnaràl tematisé i raporć europeics tl ćiamp dla cultura y dl’ert.
Hans Karl Peterlini baiarà ai 15 de dezëmber 2011 de „Fremdsein in Tirol. Eine verquere Geschichte mit europäischen Bezügen“.
Ai 20 de jenà 2012 se darà jö Peter Stachel („Vielsprachigkeit in der Habsburgermonarchie“) y Peter Hilpold („Die Mehrsprachigkeit in der Europäischen Union und die Förderung von Regional- und Minderheitensprachen“) cun l’adoranza di lingac tratan la storia austriaca y europeica.
Francesco Palermo („Minderheitenschutz in internationaler Perspektive am Beispiel Südtirols“) spligarà ai 2 de forà 2012 le colian danter le sistem por la sconanza dles mendranzes te Südtirol y la sconanza dles mendranzes a livel internazional.
Na odlada al stat multinazional dla monarchia di Habsburger, a sü profić y a sües manćianzes ti darà Stefan Malfèr ai 8 de merz te süa relaziun „Vielvölkerstaat als Modell für Europa? Leistungen und Defizite des politischen Systems Habsburg Habsburgermonarchie“.
Laurence Cole stlujarà spo jö ai 12 d’aurì 2012 la ligna de referać cun so intervënt „Nation und Identität in Tirol vor 1914“, olach’al jarà ite sön identitês regionales y nazionales tl Tirol dan le 1914. Atira dedô gnaràl tignì na mësa torona cun Siglinde Clementi, Hans Karl Peterlini y Carlo Romeo.

Olâ: Biblioteca provinziala Dr. Friedrich Teßmann, str. A.-Diaz 8, Balsan

Can:
- En jöbia, ai 10 de novëmber 2011
Dr. Georg Mühlberger: Als Europa zu Fuß ging. Streiflichter entlang früher Spuren europäischer Mobilität in Südtirol
Dr. Marion Piffer Damiani: Kunst in Südtirol. Lokale Motive, europäische Moderne und globale Zeitgenossenschaft
- En jöbia, ai 15 de dezëmber 2011
Dr. Hans Karl Peterlini: Fremdsein in Tirol. Eine verquere Geschichte mit europäischen Bezügen
- En vëndres, ai 20 de jenà 2012
Mag. Dr. phil. Peter Stachel: Vielsprachigkeit in der Habsburgermonarchie
Dr. Peter Hilpold: Die Mehrsprachigkeit in der Europäischen Union und die Förderung von Regional- und Minderheitensprachen
- En jöbia, ai 2 de forà 2012
Prof. Dr. Francesco Palermo: Minderheitenschutz in internationaler Perspektive am Beispiel Südtirols
- En jöbia, ai 8 de merz 2012
Dr. Stefan Malfèr: Vielvölkerstaat als Modell für Europa? Leistungen und Defizite des politischen Systems Habsburgermonarchie
- En jöbia, ai 12 d’aurì 2012
Dr. Laurence Cole: Nation und Identität in Tirol vor 1914

Düć i referać metarà man dales 20.00 y gnarà tignis por todësch.