Le storiograf Georg Mühlberger y la storica d’ert Marion Piffer Damiani inaugurëia en chësc ann ai 10 de novëmber 2011 la ligna de referać dla Biblioteca provinziala Dr. Friedrich Teßmann, sot al motif prinzipal „Südtirol tl’Europa. Na chirida de fostüs”.

Südtirol tl’Europa, chësta formula conesciüda tol ite n cërtl ampl pian ia da n passè te n stat multinazional dla monarchia di Habsburger rovan ćina tl presënt te n’Europa dles regiuns. I referać de chësta sëra de daurida tratarà di raporć europeics tl ćiamp dla cultura y dl’ert.

Georg Mühlberger baiarà dl tema „Als Europa zu Fuß ging. Streiflichter entlang früher Spuren europäischer Mobilität in Südtirol“ („Canche l’Europa jô a pé. Strisciores de löm sön i fostüs da dandaìa de mobilité europeica te Südtirol“).

Danter la costruziun dles strades militares romanes y la realisaziun dles strades por turisć é tröpes porsones passades por trusc sura la ćiadëna dles Alpes. Le raiun de Südtirol é deventè por süa posiziun geografica spetatur dl movimënt europeich danter nord y süd; chësc forma dantadöt tl’eté medievala na basa importanta por l’intreciamënt y les fondamëntes dl svilup dl’Europa. Le referat é na reflesciun sön le fat de tan inant che chësc toca inće la storia y la cultura medievala te Südtirol.  

Marion Piffer Damiani analisëia te süa relaziun „Kunst in Südtirol. Lokale Motive, europäische Moderne und globale Zeitgenossenschaft“ („L’ert te Südtirol. Motifs locai, tëmp modern europeich y contemporaneité globala“) l’ert te Südtirol do le 1950.

I tòć de cronica sön l’ert de Südtirol do le 1950 fej na schiza de motifs locai, coliamënć europeics y contemporaneité globala. Tl cört ressümé vëgnel a löm tl ćiamp de tenjiun danter local y global punć d’incuntada dla storia dl’ert europeica dl presënt sciöche inće particolaritês y punć de rotöra regionai y sambëgn inće l’internazionalisaziun cherscënta dl discurs sön l’ert. N aspet important dla discusciun sön l’ert d’al dedaincö é inće chilò la domanda sön la faziun, atualmënter tematisada dassënn, dla globalisaziun sön l’ert, le sistem artistich y la storia dl’ert.

Referać:
Georg Mühlberger (Balsan): „Als Europa zu Fuß ging. Streiflichter entlang früher Spuren europäischer Mobilität in Südtirol“.
Marion Piffer Damiani (Museion Balsan): „Kunst in Südtirol. Lokale Motive, europäische Moderne und globale Zeitgenossenschaft.“

Olâ: Biblioteca provinziala Dr. Friedrich Teßmann, str. A.-Diaz 8, Balsan
Can: Jöbia, ai 10 de novëmber 2011, dales 20.00

Chësta ligna de referać jarà inant ćina d’aurì 2012.