Ai 12 y 13 de setëmber dl 2011 pîta la Biblioteca provinziala Dr. Friedrich Teßmann n seminar sön le tema „Qualität im Auskunftsbereich“ (Cualité tl ćiamp dl’informaziun). Le referënt Tom Becker é professur de management y mediaziun di media tles biblioteches tla Scora alta profescionala de Köln.
La formaziun é por i bibliotecars y les bibliotecares che laôra tl ćiamp dl sorvisc d’informaziun te biblioteches scientifiches y publiches.

Tl seminar se dàn jö naôta cun ći che i utënć s’aspeta. Chëstes aspetanzes vëgn confrontades cun la pîta de informaziuns dles biblioteches. Le travert é chël de fà a na moda da ti fà odëi ite a chi che tol pert le valur y l’importanza dla interaziun de porsona tl sorvisc d’informaziun. Daldô vëgnel spo mostrè les regoles de basa dla competënza d’intervista d’informaziun. Spo gnaràl fat eserzizi cun l’aiüt de n cufer de metodes por ći che reverda le desfiramënt, les tecniches de dialogh y l’importanza di segnai nia verbai. I ejëmpli dal laûr da vigni dé de chi che tol pert é de gran importanza. Por chësta rajun cöi denant le referent adöm ejëmpli de dialogs y i porta ite tl seminar de formaziun.