Ai 27 de setëmber presentëia Hubert Stuppner so liber sön Gustav Mahler dal titul „Endstation Toblach“ (Staziun finala Toblach) tla Biblioteca provinziala Dr. Friedrich Teßmann. Stuppner, agn alalungia diretur dl Conservatore Claudio Monteverdi a Balsan, pianist y componist, diretur artistich dl’orchestra Haydn y fondadù dl Festival de musiga contemporana, é sciöche diretur artistich dl edema dedicada a Mahler a Toblach n gran espert de Mahler.

„Die Dolomiten tanzen es miteinander …“ (Les Dolomites le bala deboriada), chësc zitat de Mahler dal tëmp de sü istà a Toblach descrì l’atraziun dl componist por les Dolomites.
Gustav Mahler à passè l’isté dal 1908 al 1910 a Toblach. Dailò aratâl de avëi ciafè le post ideal dal punt d’odüda dl tlima y dla contrada por süa creaziun artisctica. Stuppner se dà jö te süa opera cun l’ultim tëmp dl svilup artistich de Mahler, la creaziun dla „Toblacher Trilogie“ (Trilogia de Toblach). Te chisc agn él gnü a s’al dé „Lied von der Erde“ (Ćiantia dla tera), dla 9. sinfonia y dla 10jima sinfonia, nia rovada.
Gustav Mahler é mort cun 51 agn, n ann do so ultim isté a Toblach. Le liber é gnü realisé por le 100ejim dé dla mort dl componist.

Presentaziun dl liber: „Endstation Toblach“ de Hubert Stuppner. Parores danfora dl Ferruccio Delle Cave. Na manifestaziun dla Biblioteca provinziala Dr. Friedrich Teßmann en colaboraziun cun la ćiasa edituria Athesia.
Can: en jöbia, ai 27 de setëmber dl 2011, dales 8 da sëra
Olâ: Biblioteca provinziala Dr. Friedrich Teßmann, str. Armando-Diaz 8, Balsan