La Biblioteca provinziala Dr. Friedrich Teßmann à le plajëi da Ves invié adöm cun la ćiasa edituria Athesia ala presentaziun dl liber „Wege zur Kunst“ de Sebastian Marseiler ai 7 de jügn dl 2011.

Ignó tl raiun dles Alpes ne n’é i influsc desvalis sön le raiun geografich partis sö a na manira tan strënta y tan desvalia co tl Südtirol. Tl jüch alternè danter nord y süd ciafa l’ert tres n tru original tl Südtirol. Deleghè adöm influsc da dalunc cun cosses chersciüdes sön le post.
Sebastian Marseiler, publizist cultural, autur de libri, curadù de mostres permanëntes y scenarist de documentars, presentëia te süa ultima opera „Wege zur Kunst“ les belëzes de storia dl’ert plü importantes dl Südtirol.
Le manual d’ert, scrit te n lingaz tler y saurì da capì, pîta cun detais de morvëia savëi de basa miré y conescënza spezifica fondada.

Presentaziun dl liber: „Wege zur Kunst“ de Sebastian Marseiler. Parores danfora dl suraintendënt ala sconanza dles operes d’ert Leo Andergassen.
Can: en dedolönesc, ai 7 de jügn dl 2011, dales 8 da sëra
Olâ: tla Biblioteca provinziala Dr. Friedrich Teßmann, strada Armando-Diaz 8, Balsan