L liber „Eliten in Tirol zwischen Ancien Régime und Vormärz / Le élites in Tirolo tra Antico Regime e Vormärz“ ie unit publicà tla lingia de monografies dl Archif Provinziel (volum 31). I curators ie Marco Bellabarba, Ellinor Forster, Hans Heiss, Andrea Leonardi y Brigitte Mazohl.

L aniverser di doicënt ani dala revoluzion antinapoleonica dl 1809 ie stat na ucajion per se fé dumandes storiografiches nueves n cont dl tëmp de transizion danter l XVIII y l XIX centené, muan da na pruspetiva lergia. I articuli dl liber mostra su n basa a  nrescides sotes continuiteies y rotes ti cuntesć de zità y di raions rurei, tl ciamp dla politica, dlaministrazion y dla strutures economiches, cunlian chisc pruzesc ala dinamiches genereles europeiches. La dezijion de cunzentré latenzion sun grupes dirigëntes defrëntes y sun n valgun profii biografics à lascià pro de afrunté la cuestion dl mudamënt dla elites, caraterisà sibe da elemënc de continuità sibe dal unì su de tlasses dirigëntes nueves mustran su la fazion de chësc sun fac cuncrec tl ciamp politich y soziel. Ai autores dl liber ti iel garatà de passé sëura i cunfins storiografics tradiziunei ora presentan nrescides fates tl Tirol, tl Südtirol y tl Trentin.

Ulà: Biblioteca Provinziela „Dr. Friedrich Teßmann“, streda Armando Diaz 8, Bulsan

Can: juebia, ai 16 de dezëmber 2010, dala 19.00