Biblio24 ie la prima biblioteca y audioteca digitela de Südtirol che ie unida njinieda ite dala Biblioteca provinziela Dr. Friedrich Teßmann deberieda cun la Fundazion Cassa dl Sparani. Biblio24 cuntën na lingia de media eletronics duni sort, che possa unì mprestei ora debant 24 ëura al di. L mprëst vën fat online ciarian ju i cuntenuc sun l computer persunel.

La ufierta tòl ite a pië via n 7.000 media eletronics. Ora de truep audiolibri y eBooks scialdi atuei dl ciamp dla beletristica y sagistica pietela nce na lingia de videos sun regions y paejes defrënc. Tla Biblio24 possa sculëies y sculées se giaté ora materiai de stude per duta la materies de scola y letëures de zaites à la puscibltá de crì ora danter deplù zaites y revistes tudësces.

La Biblio24 ie a despusizion de duc i utënc y duta la utëntes dla Biblioteca Teßmann dai 28 dutober 2010. Na tessera de utënza dla Biblioteca provinziela ie da giapé diretamënter tla biblioteca o te chësta biblioteches de Südtirol: Persenon, Burnech,  Eppan, Maran, Neumarkt, Urtijëi, Solaneres y Sterzing.