La linia de referać de chësc ann dla Biblioteca Provinziala à le titul „Sura la realté dl lingaz“. Ara mët man ai 6 de mà dl 2010 cun n referat de Siegfried J. Schmidt, filosof y studius de comunicaziun, em. Univ.Prof dla Wilhelmsuniversität de Münster. Schmidt é bele dî lié al Südtirol: al insëgna ala facolté de sciënzes dla formaziun da Porsenù y é inće stè consulënt dl Museion da Balsan. Al tëgn n referat sön le tema  „Se capiunse pa? Le mistêr dla comunicaziun“.
Tla vita da vigni dé adorunse la parora “comunicaziun” te na manira dër naturala. Cun chësta parora minunse le barat de pinsiers y minunghes, de savëi y informaziuns. Mo sovënz sozédel inće che i ne capiunse nia, che i se capiunse damat o che i ne sunse nia bugn da se fà capì. Pian ia dal fat - che pê banal- che i ne podun nia odëi ći che un pënsa, che i podun ma baié impara mo che i ne podun nia ponsè para, se damanon: co sunse pa bugn da capì ći che i atri dij?
Tl referat vëgnel dantadöt baié de trëi domandes: Co é pa la comunicaziun gnüda a s’al dè? De ći mecanisms soziai s’anüza pa la comunicaziun por avëi suzès?
Co vëgn pa determiné le raport danter media y comunicaziun? Por respogne a chëstes trëi domandes é döes cosses fondamentales: reflessivité y organisaziun autonoma. Chisc dui conzeć caraterisëia i mecanisms fondamentai de dötes les formes de sozialité, y porchël inće dla comunicaziun.
Düć i referać s’orientëia a n publich cun interesc scientifics. Le conzet de chësta linia de referać é gnüda laurada fora da Andreas Hapkemeyer, responsabl dl ćiamp insegnamënt y inrescida dl Museion de Balsan.

Referat: Siegfried J. Schmidt tëgn n referat sön le tema „Se capiunse pa? Le mistêr dla comunicaziun“

Olâ: Biblioteca Provinziala Dr. Friedrich Teßmann, str. Armando-Diaz 8, Balsan
Can: ai 6 de mà dl 2010, dales 20.00