Biblioteches, archifs y museums à val’ deboriada. Cun so patrimone formi deboriada la memoria culturala de na comunité. La Biblioteca provinziala Dr. Friedrich Teßmann y la Biblioteca provinziala taliana Claudia Augusta po sëgn ademplì ćiamò damì chësta funziun tres la surandada dla deponüda legala.

Che che à bele n iade podü pié ite n liber dl 17ejim o dl 18ejim secul s’un à bonamënter anadè che al é te tröpes operes na autorisaziun de stampa. Dal 16ejim secul inant êl propi usanza che l’editur o le stampadù de n’opera damanass dan la stampa do l’autorisaziun de stampa pro l’autorité y dess jö n ejemplar por chësta rajun. Inće sce chisc tëmps é passà é n valgönes usanzes d’ütl porimpò gnüdes dades inant. A chësta moda él gnü fora dl privilegh de stampa y dla poscibilité de zensöra, liada a chësc privilegh, la deponüda legala. De plü ejemplars de n’opera mëss gnì dà jö te posć definis avisa. Mo al dedaincö öga chësta oblianza por mëte al sigü l’arpejun culturala stampada y digitala. Ti ultimi agn s’à la deponüda legala mudé te döt le stat y a chësta moda à la Junta provinziala albü la poscibilité da chirì fora les biblioteches competëntes por Südtirol. Les döes biblioteches provinziales é gnüdes inćiariades da cherié le archif regional de düć i produć stampà dla provinzia. A trames les biblioteches él da dè jö dui ejemplars de na publicaziun. A chësta moda vëgnel garantì che inće la generaziun de nüsc mituns y de nüsc nus pois lì do les idees y i pinsiers de sü antenać y se dè jö impara. Informaziuns plü menüdes é da ciafè sön les plates internet dles döes biblioteches (www.tessmann.it; www.bpi.claudiaugusta.it) o diretamënter pro la Teßmann y la Claudia Augusta.