Ai 14 de dezëmber dl 2009 gnaràl presentè ti locai dla Biblioteca provinziala Dr. Friedrich Teßmann dales 18.00 le volum „Das alte Buch – Projekte und Methoden der Erschließung“.

D’otober dl 2000 él gnü tignì a Porsenù na conferënza internazionala dal titul „Das alte Buch. Projekte und Methoden der Erschließung – Il libro antico. Progetti e metodi di catalogazione“. I contribuć ajornà dla conferënza é gnüs publicà tl volum 19 dla lignora de libri „Veröffentlichungen des Südtiroler Landesarchivs“. Te chësc liber ciafëise relaziuns sön i proieć stlüć jö cun suzès y sön i proieć che va tres ćiamò inant dl Nordtirol, de Südtirol, dl Trentin, dl Paiern y dla Svizera.
La publicaziun vëgn presentada dai dui editurs Johannes Andresen (Diretur dla Biblioteca provinziala) y Josef Nössing (Diretur dl Archif provinzial e. p.). La presentaziun metarà man cun le salüt dl’Assessuria por la formaziun y la cultura todëscia, Sabina Kasslatter Mur y la Direturia dl Archif provinzial de Südtirol, Christine Roilo.

Can: en lönesc, ai 14 de dezëmber dl 2009, dales 18.00
Olâ: Biblioteca provinziala Dr. Friedrich Teßmann, str. Armando-Diaz 8, Balsan