La Biblioteca provinziela nviëia, deberieda cun la Sprachstelle im Südtiroler Kulturinstitut, ai 16 de utober, dala 20.00 a n referat cun l dut. Olaf Kramer. Ël rujenerà sun la tematica dla rujeneda politica tla democrazia di media. L titul de si referat ie „Yes, we can“.

Olaf Kramer dl seminar per la retorica generala dla Università de Tübingen mostra te si referat ciuna pusciblteies y ciun periculi che la retorica possa purté cun sé y coche la rujeneda politica se à mudà tl tëmp di media.
L referënt  spiega cie che fej ora l suzes retorich de Barack Obama y cun tan de nteligënza che l se nuza di media nueves. Scebën che ti media moderns vëniel mé taià ora pertes curtes dla rujenedes di pulitics y scebën che la politica vën fata al didancuei ti gremiums y tla cumiscions, ne possa degun pulitich se permëter de falì canche l rejona.
L ie rujenedes che ie jites tla storia o che à nchinamei mudà la storia. Datrai tl bon y datrai tl stlet. Cun ejëmpli cuncrec vëniel mustrà cie che caraterisea na bona rujeneda.

Referënt: Dr. Olaf Kramer, seminar de retorica generala dla Università de Tübingen
Can: Venërdi, ai 16  de utober 2009, dala 20.00
Ulà: Biblioteca provinziela Dr. Friedrich Teßmann, streda Armando-Diaz- 8
Entreda debant