Le portal tematich é na oferta de biblioteches, archifs y museums dl Nordtirol, de Südtirol y dl Trentin sön lann 1809.

Le portal (http://1809.tessmann.it) pîta informaziuns sön i avenimënć, les porsones y i posć dl 1809. Loferta tol ite documënć digitalisà de chësc tëmp, n dizionar storich, na presentaziun de ogeć da museum y de fotografies vedles.
Le fin dl proiet ê chël de cherié noferta interessanta por la popolaziun. Le portal storich-cultural se desfarenziëia dales ofertes che an ciafa sce an chir sön google, dantadöt porvia dla partezipaziun de tröc istituć spezialisà che nen garantësc la cualité. Al proiet à tut pert dlungia la Teßmann, lArchif provinzial de Südtirol y lOfize Biblioteches (Repartiziun Cultura todëscia). Inće le Museum de Maran, le Museum Andreas-Hofer de Passeier, le Ferdinandeum y lArchif provinzial de Desproch, les biblioteches y i archifs de Trënt à metü a desposiziun so patrimone. Implü à inće i cronisć dl Nordtirol y de Südtirol contribuì cun süa esperiënza. Dal scomenciamënt inant à i trëi assessurs por la cultura sostignì le proiet sciöche scomenciadia de döt le Tirol.
Les biblioteches, i archifs y i museums à, sciöche arpejun dl raiun, laurè deboriada y contribuì cun sües conescënzes profescionales. Le scomenciamënt dla scora é gnü chirì fora aposta sciöche data de scomenciamënt deache i scolars y les scolares é n grup de destinatars important. I contignüs po gnì amplià y düć é dër bel invià da ortié fotografies y datres fontanes ala biblioteca provinziala a na moda che na gran pert dla popolaziun se dais jö cun la storia dl raiun.