LE SCRITUR LÍ FORA DE SO LIBER Y BAIA CUN LA JORNALISTA NINA SCHRÖDER DE SCIÖCHE LA MEMORIA FUNZIONËIA Y DE SCIÖCHE LES FIGÖRES DE SÜ ROMANS TOL ITE TRES DE PLÜ LERCH TE SÜ PINSIERS.

“Zuber”, insciö á inom le secundo roman de süa trilogia do le roman “Sülzrather”, cun chël che Josef Oberhollenzer é gnü tut sö dl 2018 sön la longlist dl Deutscher Buchpreis.

Tl zënter de so roman él Aibeln, n post fitif dlungia Feldthurns, sön chël che al se catapultëia cun döta süa violënza la storia mondiala dl 20ejim secul. Les pices y gran stories de familia dl post vëgn sburlades sön na pert y curides. Te n iade él les mosöres politiches arbitrares dl fascism che dá dant le ritm dla vita y mostra süa faziun ince ciamó sön la generaziun dedô. Scebëgn che al ne vëgn gnanca baié de ci che al é sozedü broel sot al strat sotí dl scuté ia deboriada sentimënc de impotënza, dodanza, sënn.

Sültzrather, le zumpradú de Aibel, che ê romagnü daldöt paralisé do ester tomé jö de n gherist, mët man da combate cuntra la desmentianza y vëgn de gre en gre alsavëi les rajuns dl trauma coletif. N toch al iade mëtel adöm i avenimënc sciöche n puzzle di recorc. Al é na storia che vëgn plü iadi framentada, che passa da n naratur al ater. Mai ne pón ester sigüsc de ci che é gnü dit.

Tl zënter de süa chirida él so fre che n’é mai gnü al monn deache süa uma l’â pordü te stala. Te sü somi ti dijel Zuber.

JOSEF OBERHOLLENZER, nasciü dl 1955 tl Aurin, vir a Bornech. Al scrí lirica, prosa y toc de teater y fej regolarmënter publicaziuns te revistes y antologies. Por sü tesć él sovënz gnü scrit la musiga da musizisć che fej sorts de musiga desvalies, dal componist contemporan Anton Prestele, al ciantautur da Balsan Benno Simma cina ala rockband “Still Blind”. Cun so roman “Sültzrather“ él rové sön la longlist dl Deutscher Buchpreis 2018. Süa ultima opera “Zuber oder Was werden wir uns zu erzählen haben“ é gnüda publicada dl 2020 dala ciasa edituria Folio.

NINA SCHRÖDER, nasciüda dl1961 a Einbeck (D). Ara á studié germanistica, sciënzes teatrales, storia dl’ert y politica tles Universités de München und Berlin. Dal 1989 incá virera tl Südtirol olache ara fej la jornalista, lauran tl pröm por la revista edemala FF. Ara á publiché de plü libri. Dal 1997 incá virera cun Josef Oberhollenzer a Bornech y laora sciöche jornalista por Rai Südtirol a Balsan. Deboriada ái n möt adult.

VË, 30.04.2021, DALES 11:00 INANT ONLINE!
L’incuntada di auturs é gnüda tuta sö tl FritzCube, le videolab dla Biblioteca provinziala “Dr. F. Teßmann” y vëgn publicada ai 30.04.21 dales 11:00 sön le canal YouTube y la plata web dla Biblioteca provinziala www.tessmann.it.