Le marcé dl laur depënn tres deplü da forzes de laur cualificades da foradecá. I muciadus podess avalié fora chëstes loces de forzes de laur spezialisades. Mo indere sce an n’á nia na bona competënza linguistica él sambëgn ri da gní integrá tl marcé dl laur. Mo co pó pa i muciadus arjunje les competënzes comunicatives che ó ester por so laur da vigni de? Pó pa le resultat dl aprendimënt di muciadus ti cursc d’integraziun gní confronté cun chël de d’atri studënc de lingac foresć?
Chëstes y d’atres chestiuns vëgn analisades tl proiet d’inrescida “Deutsch im Beruf – die sprachlich-kommunikative Integration von Flüchtlingen” dl Istitut por le lingaz todësch de Mannheim.
En colaboraziun cun l’Université de sciënzes aplicades por le management de Mannheim, i imprenditurs, les agenzies de mediaziun dl laur y l’Istitut Goethe dessel gní analisé i bojëgns dl’economia da öna na pert y i suzesc y i punc debli di proiec d’integraziun linguistica dal’atra.
Le linguist Ibrahim Cindark colaborëia a chësc proiet y tratan süa conferënza nes cuntarál di pröms resultac arjunc.

Reladú: Dr. Ibrahim Cindark, colaboradú d’inrescida tl Istitut por le lingaz todësch de Mannheim.

Na manifestaziun en colaboraziun cun la Biblioteca provinziala Dr. Friedrich Teßmann y la “Gesellschaft für deutsche Sprache/seziun Balsan” tl cheder dles manifestaziuns “Horizonte“: presentaziuns de libri, conferënzes, aziuns sön chestiuns soziales atuales.

Dales 20:00