Do da 25 ediziuns dl Frauenkalender - l'ajënda dedicada al monn feminil - presentëia Alchemilla, Arbeitskreis Frau, Bildung und Beruf "Alchemilla, die Erste, la Prima", le pröm liber da lí al feminil dl Südtirol sot ala coordinaziun de Heidi Hintner. N'ediziun speziala che mët tl zënter la politica por chësc aniversar: te n'intervista cun Alchemilla cunta Monika Hauser y Marcella Pirrone de sües scombatüdes cuntra la violënza sön les ëres y mostra sö tan importanta che la solidarieté danter les ëres é. Le test sön Luisa Gnecchi, metü jö da Sabine Kasslatter Mur y Berta Linter, desmostra tlermënter tan de iadi che la combatënta por les rajuns dles ëres é stada la pröma te süa vita.

N liber da lí cun tesć, portraits y intervistes sön temesc classics, che tol sciöche tres en conscidraziun les ëres tla sozieté (dl Südtirol), fej odëi vites de ëres (dl Südtirol) y documentëia le laur y l'ester rich de fassëtes y produtif de ëres. Implü vëgnel injunté ala pert d'ajënda n dossier sön le tema "laur 4.0".

Presentaziun dl liber nü tres letöres, discusciuns y intervistes cun la moderaziun de Heidi Hintner y Alessia Dughera (Alchemilla), la partezipaziun de Luisa Gnecchi y Rut Bernardi y la cornisc musicala de Last Chance (Lea Pellegrin & Co.).

Na manifestaziun dla Biblioteca provinziala Dr. Friedrich Teßmann y d'Alchemilla.

N ejemplar de "Alchemilla, die Erste, la Prima" é da ciafé debann da merz inant te plü de cënt biblioteches dl Südtirol!

dales 10:00