“Digital ist besser” (Digital é damí) – é le titul dl pröm album dl grup indie-rock poetich Tocotronic che fej ince da leitmotiv por i trëi apuntamënc de matinée da en chësc ann dla ligna de manifestaziuns “½Mittag”. Da d’altonn dl 2020 festejëia la Lia dles auturies y di auturs dl Südtirol (SAAV) y la Biblioteca provinziala Dr. Friedrich Teßmann, che mët a jí deboriada les manifestaziuns “½Mittag”, nia ma la cuinta ediziun de chësc format popolar mo ince la conclujiun dl proiet digital dla Biblioteca provinziala. Chiló él sëgn ince da ciafé la revista culturala y leterara Sturzflüge che röia finalmënter ite tl’era digitala, do che ara ê gnüda sospenüda por n valgügn agn. Insciö ti vëgnel pité a vignun la poscibilité da descurí danü por se instës les perles dla storia dla leteratöra dl Südtirol.

Baldi se tochera bëgn da renunzié da bëre le café cun brioche da danmisdé, sciöche an ê ausá tles ediziuns da denant, porvia dles mosöres de prevenziun dl Covid-19 – mo tan de plü se godarán le program dles letöres y discusciuns preodüdes.

Tla pröma matinée nes desmostra i dui auturs y l’auturia jona Leah Marie Huber, che é impormó rovada ite tla scena leterara, tan atramënter che al pó ester le ton de leteratöra y musiga te süa interaziun. Ai 19 de setëmber nes mostra sö döes auturies jones y n editur espert le percurs lunch che les prömes operes premiades mëss fá cina che i tesć sides madüs por gní publicá sciöche libri. La ligna de manifestaziuns vëgn stlüta jö cun n bot che desmostra sciöche tres le jüch cun le lingaz pó ciadënes de parores onomatopeiches mët pe a livel intergenerazional. Döt chësc é le ½Mittag5. Le bel moscedoz danter leteratöra y discusciun vëgn dagnora acompagné dala domanda de ci che al sozed cun le lingaz, canche tl digital él parores che ti fej concorënza ai numeri.

TONANGIB - 05.09.20 - 10:00 UHR

Leah Maria Huber
Paolo Crazy Carnevale
Daniel Graziadei

Moderation: Jörg Zemmler

TEXTENTFACH - 19.09.20 - 10:00 UHR

Eleonore Khuen
Maddalena Fingerle
Ludwig Paulmichl

Moderation: Martin Hanni


WORTVERSPIEL - 03.10.20 - 10:00 UHR

Felix Maier
Birgit Unterholzner
Lene Morgenstern

Moderation: Eeva Aichner

½ MITTAG5 é gnü curé da Eeva Aichner y Martin Hanni sön inciaria dla Lia dles auturies y auturs dl Südtirol - SAAV.

Scomenciamënt 10:00 | Azes dales 09:30
Prëitambel gnidea adora assá! La manifestaziun vëgn tignida tla curt de letöra cun l respet dles destanzes de segurëza - sc’al fej bur tëmp vëgnera tignida tal salf de letöra por n numer de partezipanc limité.