Do che al é tomé adöm le rejim de Hilter dl 1945 rabësc milesc y milesc de iüdes desraijá tres n'Europa desdrüta dala vera. Ara se trata de prijoniers che é gnüs delibrá dai ciamps de conzentramënt, desfac dal punt de odüda fisich y psichich, che n'á nia d'ater co le guant da prijonier che ai á indos, y de profugs dal est che vá a chirí na patria nöia olache ai pó vire sigüsc. Por i zionisć che somiëia da mez n secul n Stat ebraich, él ma öna na soluziun: la Palestina. Cuntra la orenté dl podëi mandatar dla Gran Bretagna ó i zionisć condüje poscibilmënter tröc imigranc cun la barca dal'Europa tres le Mer Mediteran tla Palestina.

Propi le Tirol idilich che é gnü por na gran pert sconé dala vera devënta scenar zentral por le pröm gran esod de massa dla storia. Insciö condüj l'organisaziun socrëta Bricha apresciapüch 50000 iüdes tres les Alpes tla Talia olache al é barches che i aspeta por i mené tla Palestina. I flusc de profugs vëgn rovenüs en pert dal Paiern, en pert da Viena y Salzburg te ferates, camions y cinamai straciá jö sön trus a pe sura le Ju dl Prener y le Ju de Reschen. Por trëi agn alalungia devënta le Tirol n porte de passaje por profugs y passadus: tl Tirol dl Nord devënta Desproch y le ciamp de Gnadenwald, tl Südtirol Maran y Balsan les scëibes rodëntes por chisc trasporc ilegai.

Hans-Joachim Löwer (nasciü dl 1948) é sté por feter 30 agn reporter por les revistes Stern und National Geographic. Dal 1991 incá laorel sciöche autur lëde.Te chësc liber condüjel les leturies y i leturs, te cincanta rapresentaziuns sceniches, ti posć plü importanc y descrí, te na secuënza de reportaji interessanc y tres material fotografich storich, le jüch alterné danter la politica mondiala y i flusc tres le porte de passaje tirolesc.

Presentaziun dl liber: Hans-Joachim Löwer.
Introduziun: Joachim Innerhofer, diretur dl Museum ebraich de Maran y da tröc agn jornalist dla 'Neue Südtiroler Tageszeitung'.
Na manifestaziun dla Biblioteca provinziala Dr. Friedrich Teßmann y dla Ciasa edituria Athesia-Tappeiner.

20:00 | Entrada dales 19:30
Gnide prëibel por tëmp y ora! Resservede prëibel n post da se senté jö tres le sistem de prenotaziun sön la plata web dla biblioteca provinziala!
La manifestaziun vëgn tignida tl salf de letöra dla Bibiloteca provinziala, tl respet dles mosöres de segurëza varëntes, por n numer limité de porsones. An pó ma ite cun la zertificaziun vërda (Green Pass).