ANDREAS HAPKEMEYER
HAUS NUMMER 6
25.11.2021, 20:00
Bulsan, Biblioteca Provinziala Dr. Friedrich Teßmann
Le liber Haus Nummer 6 (Ciasa numer 6) é na recoiüda de dessëgns che mostra lercs internes mo ince strades y plazes de Balsan. Al é na spazirada che vá da Gries cina tla cité vedla. Dlungia chisc dessëgns él de pici tesć, toc de na storia de familia de 100 agn. Chisc tesć é frases ciafades de che che viô tla ciasa n. 6. Ares cunta de relaziuns, ert, mararatia, religiun y politica. Ti dessëgns y ti tesć s’incunta le passé cun le presënt, la lerch privata cun chëra publica, na picia storia cun na gran storia.
Le curadú, studié de leteratöra y autur Friedrich W. Block, n gran espert de poesia sperimentala y digitala presentëia le liber de Andreas Hapkemeyer “Haus Nummer 6”. Le liber é gnü publiché da d’altonn dl 2021 da Ritter Klagenfurt, na ciasa edituria spezialisada sön la leteratöra esperimentala. Block pëia ia te süa rapresentaziun dal svilup dla poesia visuala dai agn ‘50. Chiló vëighel les raisc dl liber de Hapkemeyer, che basëia sü dessëgns y tesć sön modí digitai. Block mostra sö val’ carateristiches dl liber sciöche la relaziun test - dessëgn, le scrí a man, la trasparënza, l’aptica. Do l’introduziun él n’intervista a Andreas Hapkemeyer che cunta sciöche so liber é gnü a se le dé.
Andreas Hapkemeyer (* 1955 Osnabrück) é le curadú dl Museum d’ert moderna y contemporana a Balsan y dozënt tles Universités de Balsan y Desproch. Dlungia laurs sön la leteratöra y la storia dl’ert ál publiché dala fin di agn ‘80 ince tesć visuai, y da inultima “Glücksversprechen. Zeichnungen Zitate” (Klagenfurt, 2017).
Friedrich W. Block (*1960 Berlin) vir a Kassel y laora sciöche curadú y studié de leteratöra. Al á lauré tl’Université de Kassel dal 1987 al 1997 y fat le dotorat dl 1998. Dal 1997 él a ce dla fondaziun Brückner-Kühner y dal 1999 dl Kunsttempel a Kassel. Al s’á dé jö cun l’intermediaziun y l’inrescida tl ciamp dla leteratöra por todësch, dl’ert dl baié y di media, sciöche ince dla leteratöra y sciënza dl comich. Dal 1986 incá realisëiel poesia intermediala y performativa personala pro mostres, te ediziuns artistiches y antologies.
20:00 | Entrada dales 19:30
Gnide prëibel por tëmp y ora! Resservede prëibel n post da se senté jö tres le sistem de prenotaziun sön la plata web dla biblioteca provinziala! La manifestaziun vëgn tignida tl salf de letöra dla Bibiloteca provinziala, tl respet dles mosöres de segurëza varëntes, por n numer limité de porsones. An pó ma ite cun la zertificaziun vërda (Green Pass).
Le curadú, studié de leteratöra y autur Friedrich W. Block, n gran espert de poesia sperimentala y digitala presentëia le liber de Andreas Hapkemeyer “Haus Nummer 6”. Le liber é gnü publiché da d’altonn dl 2021 da Ritter Klagenfurt, na ciasa edituria spezialisada sön la leteratöra esperimentala. Block pëia ia te süa rapresentaziun dal svilup dla poesia visuala dai agn ‘50. Chiló vëighel les raisc dl liber de Hapkemeyer, che basëia sü dessëgns y tesć sön modí digitai. Block mostra sö val’ carateristiches dl liber sciöche la relaziun test - dessëgn, le scrí a man, la trasparënza, l’aptica. Do l’introduziun él n’intervista a Andreas Hapkemeyer che cunta sciöche so liber é gnü a se le dé.
Andreas Hapkemeyer (* 1955 Osnabrück) é le curadú dl Museum d’ert moderna y contemporana a Balsan y dozënt tles Universités de Balsan y Desproch. Dlungia laurs sön la leteratöra y la storia dl’ert ál publiché dala fin di agn ‘80 ince tesć visuai, y da inultima “Glücksversprechen. Zeichnungen Zitate” (Klagenfurt, 2017).
Friedrich W. Block (*1960 Berlin) vir a Kassel y laora sciöche curadú y studié de leteratöra. Al á lauré tl’Université de Kassel dal 1987 al 1997 y fat le dotorat dl 1998. Dal 1997 él a ce dla fondaziun Brückner-Kühner y dal 1999 dl Kunsttempel a Kassel. Al s’á dé jö cun l’intermediaziun y l’inrescida tl ciamp dla leteratöra por todësch, dl’ert dl baié y di media, sciöche ince dla leteratöra y sciënza dl comich. Dal 1986 incá realisëiel poesia intermediala y performativa personala pro mostres, te ediziuns artistiches y antologies.
20:00 | Entrada dales 19:30
Gnide prëibel por tëmp y ora! Resservede prëibel n post da se senté jö tres le sistem de prenotaziun sön la plata web dla biblioteca provinziala! La manifestaziun vëgn tignida tl salf de letöra dla Bibiloteca provinziala, tl respet dles mosöres de segurëza varëntes, por n numer limité de porsones. An pó ma ite cun la zertificaziun vërda (Green Pass).