Por imparé n lingaz n'án nia bria da dé na tria. Al contrar! N sostëgn dl lingaz integré tla vita da vigni de y colié al movimënt y al jüch á na gran faziun. Nia ma i mituns y les mitans n'á ligrëza cun le movimënt y impara plü saurí sce les ofertes de sostëgn ti sá beles.
La pedagoga y esperta de sport Renate Zimmer fej da agn n laur da pionira tl ciamp dl imparé fajon movimënt y á ciafé por so impëgn d.a. l'Ordin de mirit federal. Tl cheder de chësta sëra ti mostrarára a geniturs y che che se crüzia dl'educaziun cun tröc ejëmpli pratics sciöche le sostëgn linguistich pó garaté, dantadöt pro mitans y mituns dla scolina y dla scora elementara che crësc sö cun de plü lingac o che á le todësch sciöche secundo lingaz.

Referënta: Prof. Dr. Renate Zimmer, esperta de educaziun, sport y movimënt, Université de Osnabrück, auturia de passa 50 libri spezialistics d.a. sön le tema „Lingaz y movimënt“
Can: en lönesc, ai 2 de ma dl 2022, dales 18:00
Post: Balsan, Waltherhaus, strada Schlern 1
An mëss se prenoté (innerhalb 29.04.22) por e-mail pro sprache@kulturinstitut.org

Na manifestaziun dl ofize linguistich dl Istitut cultural todësch dl Südtirol en colaboraziun cun la Repartiziun pedagogica dla Direziun Istruziun y formaziun todëscia y la Biblioteca provinziala Dr. F. Teßmann.