De jená dl 1972 él jü en forza ofizialmënter le secundo Statut d’autonomia dl Südtirol, do diesc agn de tratatives danter Roma, Balsan y Viena. L’aniversar di 50 agn de chësc „model sfadius“, sciöche le presidënt dl Consëi di ministri da en iade Romano Prodi ti á dit dan da püch, pîta la poscibilité da fá n’analisa storica, na valutaziun politica y n pröm bilanz a chël che les prognoses por le dagní pó s’orienté.

Pian ia dala publicaziun dl liber „Die Mühen des Erfolgs. Fünfzig Jahre Zweites Autonomiestatut in Südtirol/Alto Adige, Edizioni AlphaBeta Verlag, April 2022“ spliga i dui auturs Maurizio Ferrandi y l’espert de dërt costituzional y autonomies locales Francesco Palermo te n’incuntada cun le presidënt dla Provinzia Arno Kompatscher ci che al é do le „secundo Statut d’autonomia“ ia y porta dant i punc d’odüda desvalis danter fatibilité costituzionala y politica por n’elaboraziun tl dagní.

Na manifestaziun dla Biblioteca provinziala Dr. Friedrich Teßmann y dla ciasa edituria Edizioni alphabeta.

Dales 20:00 | Entrada dales 19:30 inant
Gnide prëibel por tëmp y ora! Resservede n post da senté tres le sistem de prenotaziun sön la plata web dla Biblioteca provinziala! La manifestaziun vëgn tignida tl salf de letöra dla Teßmann tl respet dles mosöres de segurëza varëntes.