Cun la publicaziun dl volum dopl “Das kulturellen Leben. Akteure – Tendenzen – Ausprägungen” él gnü stlüt jö le proiet dediché ala monarchia asburgica dal 1848 al 1918 che é gnü sostigní dal'Academia Austriaca dles Sciënzes. Le volum deliniëia la complessité dla musiga, dl'architetöra, dla pitöra, dla leteratöra y dl teater, dla cultura y vita da vigni de tla monarchia asburgica tardia, descrí sciöche le tendënzes culturales é jüdes indalater, mo ince olache ares é jüdes adöm y s’á colié te na manira strënta.

De ma dl 1847 êl gnü metü sö a Viena la insciödita “Kaiserliche Akademie der Wissenschaften”. En gaujiun de chësc iubiluem de ma dl 2022 él gnü publiché na verjiun nöia te trëi volums cun tröpes imajes dal titul “Die österreichische Akademie der Wissenschaften 1847–1922”. Ara descrí la storia dl'Academia pian ia dala ria fasa de süa fondaziun, passan tres le tëmp de süa flu ala fin dl 19ejim secul cina al tëmp da sëgn, zënza ascogne ia i tëmps de crisa, dantadöt i agn scürs de intravaiamënt dl'Academia cun le nazionalsozialism. Por le pröm iade él ince gnü studié le rode dles ëres tl'Academia, n rode che n'ê cina sëgn nia ciamó cis gnü tut en conscidraziun.

Dales 20:00
Resservede n post da senté tres le sistem de prenotaziun sön la plata web dla Biblioteca provinziala!