„Oberhollenzer drosa y raida la rujeneda, l la lascia luné – sensuel, espressif y scialdi stramb.” Georg Mair, ff

„'L vester dl’ega’ pudëssa vester la parola de orden de chësc zitlus. La poesies ie n cont de si sonn na śolba per la urëdles […]. N’aventura tla ondes garateda, na resieda, n’esperienza linguistica.” Zsuzsanna Gahse sun Greta Maria Pichler y si poesies Salzwasser tla laudatio dl open mike 2022

Doi scritëures y n percuscionist sun na paladina per na matinée cun leteratura y jazz che lascia dleghé l amor per la rujeneda y la mujiga te n’aventura unica: ntan che Josef Oberhollenzer y Greta Maria Pichler liej dant da si lëures porta Stefano Tamborrino pro n ntëurvia de mujiga faszinënt renfurzan cun si percuscions n pert mujeles y n pert plëines de energia la imajes sonores criedes dala letures di tesć. Chi che scota su splonj tl mond dla leteratura y dl jazz y se n god di doi “lingac” te duta si forza criativa. Acumpaniei vëni da Nina Schröder, che rejona cun i doi autores. Leprò vëniel servì café y brioches.

Greta Maria Pichler nasciuda tl 1996 a Bulsan. BA de filosofia y ert linguistica. Śën MA de ert linguistica tl’Università d’ert aplicheda a Viena. La scrij dantaldut lirica. Publicazions danter l auter te Lichtungen, Manaròt y Triëdere. Co-redatëura de JENNY, curadëura dla “Literaturpassage” tl MQ a Viena y cumëmbra dl cunsëi dl’assoziazion de autores SAAV. Cumëmbra dla grupa ZeLT – Zënter europeich per leteratura y traduzion. Tl 2022 àla venciù l 30ejim Open Mike.
Josef Oberhollenzer, amant dl congiuntif y dl scrì radicalmënter pitl ie nasciù dl 1955 tl Ahrntal tl Südtirol. Tl luech fitif de Aibeln iel ënghe da cësa. L scrij lirica, prosa y pec de teater. N valguni de si tesć ie unic metui n mujiga da bands rock. De plu pesć y stipendiums. Cun si roman “Sültzrather” iel ruvà tla longlist dl “Deutscher Buchpreis”. Si ultim liber “Prantner oder Die Erfindung der Vergangenheit“ ie unì ora tl 2023 pra l editëur Folio.
Stefano Tamborrino à metù man de suné cun 19 ani. Da ntlëuta àl purtà inant si viac tla mujiga coche autodidat, cossa che à purtà pro ala furmazion de si stil persunel y caraterisà dal istint. Truepa sessions tl studio, danter l auter cun Stefano Bollani, Hindi Zahra, Gianluca Petrella y l culetif Trio Hobby Horse. De ndut àl nchin śën tëut su plu de 40 plates.

Na manifestazion metuda a jì dla Biblioteca provinziala Dr. Friedrich Teßmann y Südtiroler Künstlerbund cun I sutëni de Südtirol Jazzfestival Alto Adige 2023.

DALA 10:00

Fotorechte: Greta Pichler © Matthias Gasser. Josef Oberhollenzer © Lois Steger. Stefano Tamborrino © Caterina Di Perri.